Eventu ida-idak iha nia públiku rasik, karáter, personalidade no objetivu oioin. Husi reuniaun ki'ik to'o gala korporativu ne'ebé bo'ot, EVEN2U garante katak eventu ne'e kria espesifikamente atu hatan ba ita-boot nia intensaun. Liu husi kompreensaun marka ne'ebé únika empreza ida nian no mos identifika públiku-alvu, ami nia ekipa dezenvolve konseitu eventu nian no kordena aspetu tékniku hotu-hotu antes atu realiza. Se ita presiza ajuda atu organiza konferénsia, almosu korporativu, han-kalan ka festa Natal, ami bele kria no implementa evento saída de'it tuir ita-boot nia vizaun no nesesidade.
Ami sempre refere ba kultura organizasional hanesan fator prinsipal ne'ebe liga ba solok funsionáriu sira nian. Ne'e duni, sai hanesan interese bo'ot empreza nian, atu kria ligasaun ne'ebe diak liu iha ekipa, departementu ka organizasaun nia laran. Ami nia atividade bele inklui dezafiu hanesan karaoke, ofisina ba xokolate, kompetisaun kulinária no pastelaria ka jogu iha rai-henek tasi, no mos atividade seluk ne'ebé kria husi ita-boot nia imajinasaun ka mai husi ami nia kriatividade.
Entertenimentu
Karik ita-boot nia empreza ka organizasaun hanoin atu halo eventu enterteinamentu hodi envolve públiku ne'ebe espesifiku ka fó vizibilidade bo'ot ba ita nia produto, ami mak hanesan eskolla loos atu realiza ita nia eventu. Ho previléjiu no kontaktu besik ba artista lokál no internasionál, sei tulun ita-boot atu hetan ida ne'ebé di'ak liu iha merkadu ba ita nia eventu. Karik ita hakarak serimónia privada, ami sei kria buat hotu sai úniku no memorável.
Publisidade sai di'ak liu tan hanesan maneira atu komunika ne'ebé komplexu, ho maneira oioin atu empreza ida bele hato'o nia mensajen ba kosumidór. Halo tuir ami nia kliente, ami sei kria estratéjia komunikasaun ne'ebé di'ak no instrumentu publisitária ne'ebé adapta di'ak liu iha vizasaun ita nia empreza no produtu nian. Ami pronto atu fornese ba ita-boot nia empreza tipu publisidade diferente, hanesan product placement, publisidade online, publisidade husi telemóvel, publisidade iha rádiu no televizaun ka publisidade impresa (revista, jornal, brosura, folletu).
Hamutuk ho servisu ne'ebe ami hala'o iha komunikasaun, servisu akompañamentu imprensa ne'e importante atu garante katak kolaborador husi orgaun komunikasaun sosial ne'ebe partisipa iha ita-boot nia eventu hetan ona informasaun relevante hotu atu realiza kobertura adekuada no mos atu publika konteudu ne'ebe refleta diak objetivu eventu nian. Hamutuk ho akompañamentu ba orgaun komunikasaun sosial hafo'in publikasaun notisia ami mos sei realiza rekollã no kalkula nia valor ne'ebe atu selu.
Sira nia prezensa importante tebes atu simu no halo rejistu partisipante hotu, sira mos representa ajuda ne'ebe bo'ot atu fornese informasaun bazika ka apoiu komersial, no apoiu linguistiku, iha promosaun ba produtu no servisu, iha servisu ba bebida no aí han, no seluk tan. Ami iha kontaktu ho joven lokal barak, ne'ebe ho imajen freska no diak adekuadu ba nesesidade eventu nian ka atu fo koñese ita nia produtu, hodi nune'e hasa'e atividade venda no rezultadu.
Maske la'os hanesan ami nia negosiu sentral, ami mos bele oferese servisu kriasaun no valorizasaun ba marka, liu liu ho kriasaun marka, logotipu, estasionariu, website, nune'e mos asegura produsaun no impresaun ba produtu grafiku. Ne'e hanesan servisu komplementár ne'ebé ami nia kliente sira valoriza nune'e bele hala'o hamutuk ho ami nia produtu seluk ka ketak-ketak.
Vídeo no Foto
Profile vídeo husi ita nia empreza ka vídeo publisitariu husi ita nia produtu hanesan forma ne'ebe diak liu atu transmite ita nia mensajen ba kliente sira. Ami mos dezenvolve ideia, script, halo filmajen, edit, tradusaun testu, halo tradusaun lian no lejenda. Se ita-boot nia eventu memorável, presiza atu rejista. Ami halo kobertura vídeo no fotográfika ba ita-boot nia eventu, atu nune'e bele sai eternu.
